«ՀԱՅԿԱԿԱՆ ԿԱԹՈՂԻԿՈՍԱԿԱՆ ԵՒ ՆԱԽԱԳԱՀԱԿԱՆ ՈՒՂԵՒՈՐՈՒԹԻՒՆ…

                                                                         «ՀԱՅԿԱԿԱՆ  ԿԱԹՈՂԻԿՈՍԱԿԱՆ  ԵՒ                            

                                                                           ՆԱԽԱԳԱՀԱԿԱՆ  ՈՒՂԵՒՈՐՈՒԹԻՒՆ

                                                                                              ԴԷՊԻ  ՍՈՒՐԻԱ»

«10 Փետրուար 2013թ., հայկական իրականութեան մէջ արտակարգ միջոցառում մը ճմլեց ու խորովեց բոլորիս սրտերը, երբ իմացանք, որ ՄԵՐ երկու Կաթողիկոսները Հայաստանի Հանրապետութեան նախագահի ընկերակցութեամբ հանդիպում մը կայացուցած են Սուրիոյ Հանրապետութեան նախագահի՝ Պաշշար Ալ ԱՍԱՏի հետ, Դամասկոսի մէջ, որմէ ետք այցելութիւն տուած Հալէպի հայ գաղութի զաւակաց, զանոնք գօտեպնդելու իրենց օրհասական ու ճգնաժամային իրադրութեան մէջ, եւ սառը ջուր սրսկելու նրանց շրթներին ուղղակի Հայաստանեան եւ Սփիւռքեան արտադրութեամբ  –  Made in Spurk & Armenia.

«Կաթողիկոսները միասնաբար շարունակած են իրենց ուղեւորութիւնը Ղեւոնդ ԵՐԵՑի հետ՝ դէպի Քեսապ, իսկ նախագահ Սարգսեան հրամանատար Վարդան ՄԱՄԻԿՈՆԵԱՆի  հետ՝  դէպի  հիւսիսային  Սուրիա»:

Լուրը  հաղորդեց  ՀԵԼ  գործակալութիւնը.

Հայկական  Երեւակայական  Լրատուութիւն:

Նշենք, որ Քեսապ վերջին օրերուն Թուրքիայէն ներխուժող ահաբեկիչներու յարձակման թիրախ դարձաւ, որոնք Սուրիական Արաբական Բանակի ուժգին դիմադրութեան տակ խստիւ դաստիարակուեցան, եւ որոնց առնչութեամբ Ռուսիա Ալ Եոյմ հեռատեսիլի կայանը յատուկ  րեպորտաժով  անդրադարձաւ:

Տե՛ս   http://arabic.rt.com/news_all_news/news/606545/

Ինչ կը վերաբերի հիւսիսային Սուրիոյ, ապա այդտեղ կազմուած հայկական ինքնապաշտպանական գումարտակը, որ առայժմս կը գործէ քրտական հրամանատարութեան հովանու ներքոյ՝ հայ զօրավարներու մարտական ոգիի փչումով սպառազինուեցան վերջին  զինուորական  սարքաւորումներով:

Այսպիսով, Սուրիոյ հայկական գաղութը պիտի շարունակէ մնալ պատնէշի վրայ՝  ջլատելու օսմանեան թոռներու նոր ջարդերը:

Կեցցէ՛  հայկական  ինքնապաշտպանութիւնը.

Հուռռա՛  Հուռռա՛  Հուռռա՛

Սուրիոյ կապակցաբար մէկ այլ իրադարձութիւն մը աղմկարար հանգամանք ստացաւ, երբ այս անգամ Լիբանանի Մարոնի համայնքի կղերապետը՝ Պշարա Ռաղի պատրիարքը նոյն օրը (10 փետրուար) ներկայ եղաւ Դամասկոսի մէջ կայացած Յոյն ուղղափառ համայնքի Անտիոքի պատրիարք՝ Եուհաննա ժ. Եազիճիի օծման արարողութեան, որու ներկայ էր նաեւ հայկական հոգեւորական ներկայացուցչութիւն մը:

cardinal-mar-bechara-boutros-al-rahi-maronite-patriarch

                                                                              Կարդինալ  Պշարա Պութրոս Ռաղի                                                                                                                                                                  Cardinal  Bshara  Boutros  Rayi

patriarch-youhanna-yazigi-of-antioch-17-12-12

                                                                               Պատրիարք Եուհաննա Ժ. Եազիճի                                                                                                                                                                     Patriarch  Juhanna  X  Yazigi

 Մեծաշուք այս բարձրաստիճան կղերական դասի եռուզեռը առիթ էր քրիստոնեաներուն համար, ամրապնդելու եւ ջատագովելու Սուրիոյ ժողովուրդի ու պետականութեան կապը, որ ունենալով պատմական հզօր անցեալ, բարձր պատասխանատուութեան առաջ է կանգնած յաղթահարելու իրեն պարտադրուած կործանարար իրադրութիւնը:

Այս էր գլխաւորաբար հիւրընկալ եւ ձեռնադրուող հոգեւոր մեծերու պատգամը:

Երկու հետաքրքրական երեւոյթ կարելի չէ անտես թողուլ, այն որ Յոյն պատրիարգի նախորդը փախած ըլլալով երկրէն, մահացած էր փախստավայրի մէջ, այսինքն Լիբանան. Իսկ Լիբանանի Մարոնի պատրիարքը 24 նոյեմբեր 2012-ին ծիրանաւորի (կարդինալի) աստիճանին բարձրացուած էր այսօրուայ դրութեամբ հրաժարական ներկայացնել խոստացած Հռովմի Պապի կողմէ:

Պշարա Պութրոս Ռաղիէն առաջ, որեւէ Մարոնի պատրիարք այցելութիւն չեր տուած Սուրիա, Լիբանանի անկախութենէն ի վեր (1943թ.).

Այս տեղեկատուութեանց առաջին բաժինը որքան ոգեւորիչ պիտի ըլլար եթէ հայկական աներեւակայական հաղորդագրութեամբ  դրոշմուէր . . . :

Ս Ա Ս Ն Ա Լ Ո Ւ Ր

Փետրուար  12,  2013


Comments are closed.