CHE GUEVARA & the armenian awkwardness

CHE GUEVARA

& the armenian awkwardness

ՉԷ ԿԷՎԱՐԱ

եւ հայկական ձախաւերութիւնը

 

Երեւանեան ակցիաները բազմիցս փաստած են քաղաքացի–ոստիկան Աւարայրեան ճակատամարտերու բնոյթը ունենալը: Ինչո՞ւ:

Որովհետեւ Արեւելեան Հայաստանի մէջ չկան ՅԵՂԱՓՈԽԱԿԱՆ առաջնորդներ, որոնք ՅԵՂԱՓՈԽՈՒԹԻՒՆ կոչուած ակցիան պիտի ուղղէին օգտագործելով ճշգրիտ լծակները:

Եւ որպէսզի հանելուկային ոճով չշարունակեմ միտք բանին, ստիպուած եմ ընթերցողի ուշադրութիւնը հրաւիրելու 50-ական / 60-ականներու լիիրաւ Յեղափոխականի մտքերը քաղել մղելու՝ իմանալու թէ ո՞նց կարելի է ՅԵՂԱՓՈԽՈՒԹԻՒՆ իրագործել:

ՉԷ ԿԷՎԱՐԱ – CHE GUEVARA.

Կարդացէ՛ք իր ուղեցոյցը:

Նամանաւանդ որ սովետական օրերէն հայերէն թարգմանութիւններով ինչ որ «մասունքներ» մնացած ըլլալու են Երեւանեան հատ ու կտոր «մասունք» գրախանութի մը մէջ:

Երբ կ՛ըսեմ Արեւելեան Հայաստանի մէջ չկան ՅԵՂԱՓՈԽԱԿԱՆ առաջնորդներ, վստահ եղեք, արտասահմանի մէջ հազարապատիկ անգամ գոյութիւն չունին: Ինչո՞ւ:

Որովհետեւ արտասահմանի ֆիֆիկ առաջնորդութենէն ո՛չ ծնած ժամանակաշրջանէն, ո՛չ ալ հետագայ՝ գոյութիւն ունեցած է ՅԵՂԱՓՈԽՈՒԹԻՒՆ ղեկավարող դաս:

Եղան, ու տակաւին կան Յեղափոխականներ սպաննող չգիտեմ ինչիս «յեղափոխական դաշնակցականներ», մասոնականներ, գործակալներ, մտախտաւորներ, շաքալներ, շողոքորթներ, եւ վերջապէս կռնակէն կրակողներ . . . : Այս բոլորը՝ ամէն մարզերու մէջ:

Հայկական հաւաշխարհի մէջ երբեւէ գոյութիւն չէ ունեցած «յեղափոխականներու դաշնութիւններ», բայց միայն ու միայն յեղափոխականամիտ առանձնայատուկ հայդուկներ:

Ահա թէ ինչու Հայաստանի մէջ գոյութիւն չունի եւ չունենար յեղափոխութիւն: Հայաստանի մէջ կայ մէկ կողմէն միայն ծրագրաւորուած «արեւմտեան չափանիշներու» ենթարկուելու պարտադրանքներ, իսկ միւս կողմէ ծրագրաւորուած խափանարարական ակցիաներ:

Ատկից անդին հոս ու հոն վազվռտող ջահելջուհուլ թղթակիցները ի՜նչ ուզում են թող նկարահանեն ու մեկնաբանութիւններ թափեն՝ պարզ է, որ իրողութիւնները մտաւորապէս դիտող հասկցողներու համար youtubeեան տեսագրութիւններէն աւելին կը պարզեն ըլլալ:

Տե՛ս

ԵՐԵՒԱՆ « ԱԿՑԻԱ » – « ԱԿՏԻՎԻՍՏ » . . . 2015 . . .

* * *

Guerilla Warfare – Բարթիզանական պատերազմ:

Չէ Կէվարան, այս գրքին մէջ հանգրուանային առումով նկարագրած է յեղափոխութեան քայլերը: Եւ այս հանգրուանները զուրկ են Հայաստանեան իրականութենէն:

Չէ Կէվարայի քաղաքական ասպարէզը վերջ կը գտնէ 1965-ին:

Աշխահակալ զօրութիւններու հակամարտութիւններէն խարդախուած հրաժեշտ տալով կեանքը ի սպաս կը դնէ միայն զինեալ պայքարին՝ մինչեւ ի մահ (1967թ.):

Կը գնդակահարուի դաւաճանութեամբ:

Ինչ որ լուսարձակներէն հեռու մնացած է, այդ ալ ազատօրէն տեղաշարժելու նպատակաւ անճանաչելի ծպտումն է:

Հի՛մա, վերադառնանք Հայաստանեան ակցիաներուն:

Ի մասնաւորի այսպէս կոչուած Սասնայ ծտերուն:

Կը մէջբերեմ անգամ մը եւս վերեւի նիւթի պարբերութիւնը:

Հայկական հաւաշխարհի մէջ երբեւէ գոյութիւն չէ ունեցած «յեղափոխականներու դաշնութիւններ», բայց միայն ու միայն յեղափոխականամիտ առանձնայատուկ հայդուկներ:

Հետեւաբար, Սասնայ ծտեր խումբի մէջ կրնան երկու երեք հատ յեղափոխականամիտ առանձնայատուկ հայդուկներ գոյութիւն ունենալ, բայց երբեւէ խմբակային միակամ գործողութիւն:

Խմբակայինը քաղաքացիական պայմաններուն մէջ ինչպէս տեսանք՝ ահաբեկչութիւն եղաւ: Եւ ասիկա հայկական ձախաւերութիւն է:

Ահաբեկչութեան պախարակութիւնը չի բաւեր, մէկ ալ բժշկական անձնակազմէն պատանդ պահուեցաւ ու դարձան ՏԱՂԷՇ – ISIS.

* * *

ԱՀԱԲԵԿՉՈՒԹԻՒՆ ԽՈՒԼԻԳԱՆՈՒԹԻՒՆ ՀԱՅՈՒԹԻՒՆ

Յօդուածով պարզաբանած էի.

ԱՀԱԲԵԿՉՈՒԹԻՒՆ

17 յուլիս 2016, արեւելեան Հայաստանի մէջ կատարուեցաւ ահաբեկչական գործողութիւն, զոր մինչ օրս ընթացքի մէջ է:

Ո՛չ ոք յանդգնաբար ոտկի կանգնելով եղելութիւնը որակեց իբրեւ այդպիսին:

Ընդհակառակը, «Ղարաբաղը», «տղերքը», «պեխերը», «ձիերը», «երգերը», սաղ խառնեցին ու խառնշտկեցին իրար՝ մտախտաւորները ներկայացնելով իբրեւ «ազգի փրկիչներ»:

Հոկտեմբերեան բարբարոս ու ահաբեկիչ եղեռնագործներն ալ իրենք զիրենք ներկայացուցին իբրեւ «ազգի փրկիչներ»:

Ասոնցմէ աւելի ախմախ դուրս եկան աւելի խելացի կարծուածները՝ «մտաւորականները», որոնք կայսերական հռետորութեամբ յատուկ անուան դիմումով հանդէս եկան ի սէր խաղաղութեան:

Անդին, «ազատամարտիկ» մը խորհուրդ կ՛ուտար, թէ ինչո՞ւ մէկու մը անունը կը տրուի ազատ արձակուելու համար, երբ ուրիշներ ալ կան, որոնք քաղբանտարկեալներ են, ու կը նշէ «անուն» մը …

Այս նոյն անուանատէրն է, որ կարճ ժամանակ առաջ գաւազաններով ու տնային պատրաստութեամբ «պայթուցիկներով» Երեւանի փողոցներով ահ ու սարսափ յառաջացուց ոստիկաններու դէմ, միաժամանակ ի՛ր ձեռնարկին չմասնակցողները որակելով՝ «բոզերի պէս ապրողներ» …:

Տե՛ս = > ԱՐԵՒԵԼԵԱՆ ՀԱՅԱՍՏԱՆԻ «ԱԿՏԻՎԻՍՏ»-ԱԿԱՆ ԼԻՐԲ «ԱԿՑԻԱ»-ՆԵՐ (Շանթ Յարութիւնեանի հատուածը):

http://www.maratoug.com/archives/3498

Ասո՞նք են այս Հայաստանի «յեղափոխականներն» ու «քաղբանտարկեալները» ???

Իսկ երբ նկատի կ՛ունենամ մէկու մը կենսագրականին կցուած «Լիբանանի քաղաքացիական կռիւներուն մասնակցած» ըլլալու նկարագրութիւնը, որ այդ տարիներուն պիտի ունենար 7-8 տարեկան, արդէն կը նշանակէ, թէ յերիւրածոյ կենսագրութիւններն ալ չափ սահման չունին:

«Հրամանատա՞ր» … ի՞նչիս հրամանատարը …

Լուսահոգի Ստեփան Քիրեմիճեանի ասած «coca cola-յի հրամանատար» …:

Ձեր ամբոխային տրամաբանութեան պատճառաւ գործակալ մըն ալ առիք սարքեցիք «հրամանատար» …:

Տե՛ս = > Մոնթէ Մելքոնեան – Գործակալ

http://maratoug.com/archives/10240

…………

Վերջապէս, ամենակարեւորը, «Ղարաբաղը», «տղերքը», «պեխերը», «ձիերը», «երգերը», ո՛չ մի առնչութիւն չունին հասարակ քաղաքացիի ահաբեկչական ակտը արդարացնելու:

Մէկը կրնայ պատերազմի վեթերան ըլլալ, բայց քաղաքացիական պարտաւորութիւններու կոպիտ խախտումները քրէական օրէնսգրքի համաձայն նոյն դատապարտումը կը կրեն, ինչպէս որեւէ քաղաքացի:

Ավտոճանապարհային առկածի պատասխանատուն, որ մահ կը պատճառէ, չի կրնար ինքզինք արդարացնել, ըսելով «ես ղարաբաղի ազատամարտիկ եմ » …:

Մանաւանդ, երբ զոհի սեղանին կը յայտնուի ե՛ւս մի ուրիշ ազատամարտիկ:

Հայաստանցի քաղաքացու մակարդակը յեղափոխականացման ու քաղաքականացման հարցերով, կը գտնուի ստորին մակարդակի վրայ:

Ինծի ալ առաջարկեց մէկը՝ մասնակից դառնալու նոր կազմաւորուող խմբակցութեան:

Մերժեցի: Խելացնոր չէի: Ի մասնաւորի երբ նկատի կ՛ունենայի մինչ այդ ապրածս ներհայկական հողմակոծեալ ժամանակները:

Տե՛ս = > ԱԼԵՔ ԵՆԻԳՈՄՇԵԱՆ

ԵՒ ՀԱՅԱՍՏԱՆԻ ԻՇԽԱՆՈՒԹԵԱՆ ԱԶԱՏԱԳՐՈՒԹԵԱՆ ՄԱՐՏԻԿՆԵՐ

http://maratoug.com/archives/7714

Անկեղծ ասած, մէկ երկու անգամ ամբողջութեամբ ուզեցի մտիկ ընել «հիմնադիր խորհրդարան» կոչուած անձանց meeting-ային ելոյթներով ներկայացուած թատերախաղը:

Նախագահ, փոխնախագահ, անդամներ … իրենց ներկայացման ոճը, իրենց խօսելակերպը, իրենց օգտագործած պատմական իրողութիւնները …

Եթէ այս մարդիկ կը կարծեն թէ ընդդիմադիր ըլլալէ աւելի տակաւին «քաղաքական գործիչներ» կրնան համարուիլ՝ ինչպէս որ նկարագրուեցան վերջին օրերուն, ուրեմն այս Հայաստանի մէջ իրերու որակաւորման չափանիշ անգամ գոյութիւն չունի: Բայց այդպիսին նաեւ փաստուած էր վաղուց:

* * *

Հայաստանեան վերջին շաբաթներուն տեղի ունեցածը կրկնակիօրէն կը փաստեն հետեւեալը.

Տգիտութեան անսահմանափակութիւն, առարկայական ձախաւերութիւն, դիւանագիտութեան playboy, եւ թրքագիտական-քրտագիտական էշութիւն:

Ի վերջոյ, հայկական ամէն նախաձեռնութիւն ձախողութեան մատնուած է – doomed to fail.

Տե՛ս

http://www.maratoug.com/archives/19182

http://www.maratoug.com/archives/19539

ՓՈԹՈՐԻԿ / STORM

9 Հոկտեմբեր – October 2017


Comments are closed.