“Chavez vive, la lucha sigue !”

                                        “Chavez  vive,  la lucha sigue !”

chavez

 

ՀՈՒԿՕ  ՉԱՒԵԶ   իր մահկանացուն կնգեց տակաւին նախագահական երթումը չկատարած, որով Հոկտեմբեր 2012-ին չորրորդ անգամուայ համար յաղթական դուրս եկած էր վերընտրութեամբ:

ՀՈՒԿՕ  ՉԱՒԵԶ   հարաւային ամերիկայի այն նախագահներէն է, զոր 14 տարի շարունակ դէմ դրաւ արտաքին տնտեսական, քաղաքական ու դիւանագիտական ոտնձգութիւններուն, որոնցմով գերիշխող ուժը իր սիրեցեալ Հայրենիքը՝ Վենեզուելլան պիտի դարձներ մէկ այլ խամաճիկ պետութեան, տրուած ըլլալով որ երկրի հարստութեան գլխաւոր սեփականութիւնը աշխարհի արտադրութեան առաջնակարգ տեղը կը գրաւէ: Խօսքը կը վերաբերի անկասկած, Քարիւղի արտահանքին:

Վենեզուելլայի հիւսիսային տարածքին գտնուող քարիւղարտահանման հարստութիւնը՝ միջազգայնօրէն ճանաչուած   Օրէնոք  գօտին  – Ceinture de l’Orénoque 55 314 քառ.քիլմ.  հաշուող մակերեսը 315 միլիոն տակառի պահեստ ունի: 2014-էն նկատի առնուած էր օրական 4 միլիոն տակառի արտահանում, ըստ տեղուոյն իշխանութեան հաւաստիքներուն:

orinocobelt_oil_venezuela

  Օրէնոք  գօտի,  հիւսիսային  Վենեզուելլա

 Ceinture de l’Orénoque,  nord de  Vénézuella

Հայրենեաց հարստութեան պահպանման քաջատեղեակ  ՉԱՒԵԶ,  յաջողեցաւ ի վերջոյ պետականացմամբ – nationalisation  դրօշմել քարիւղի արտահանումը 2007 թուկանէն, սակայն լաւագոյնս օգտագործելով ներքին կարգերու զսպումը, որպէսզի իբրեւ ներքաղաքական պառակտման բանալի՝ չծառայեցուին այն ուժերուն կողմէ, որոնք չեն յագեցած այլ պետութեանց ամբարները  ծծելէն:

Սակայն Վենեզուելլան ունի նաեւ կազի հանքային պահեստ, որոնց համար արժէ հետազօտել յաւելեալ աղբիւրներու միջոցաւ:

Վենեզուելլայի հայրենիքի բնիկ զաւակ՝  Հուկօ  ՉԱՒԵԶ  շարունակութիւնն է  ՖԻՏԷԼ  ԳԱՍԴՐՕ  –  ՉԷ  ԿԷՎԱՐԱ   յեղափոխական  ուսուցման,  որոնց  նմանները ամէնօրեայ  ծնունդի  արշալոյսներ  չեն:

castro_chavez

Բարեբախտաբար առաջինը տակաւին մահուան կը դիմակալէ, երկրորդը զոհը գնաց ակնարկուած գերտէրութեան պետականասպան ու ջարդարար քաղաքականութեան, իսկ ինք,  ՉԱՒԵԶ  կլանուեցաւ մեղքի արտադրութեան կողմէ՝  անբուժելի քաղցկեղով:

ՀՈՒԿՕ  ՉԱՒԵԶ  յաղթական դուրս եկաւ, պարզ այն պատճառով, որ ո՛չ մէկ աշխարհակալ զօրութիւն կրցաւ գլուխ ցցել  ՉԱՒԵԶԵԱՆ  ռազմավարութեան: Ան, որ ամէնայն խիզախութեամբ կրցաւ հասկցնել այն կոտոշաւոր գազանին,  – ՏԵՂԴ  ԿԱՆԳՆԻՐ,  ԵՍ  ՀՈՍ  ԵՄ:

Զայս իրագործեց պետական մակարդակի մարտունակութեամբ:

Իսկ թէ ի՞նչպէս յաջողեցաւ ժողովրդային համեստ խաւը գրաւել՝ պարզապէս որովհետեւ կարեւորութեան եւ հոգատարութեան արժանի դարձուց:  Ի զուր չեր, որ  ՄԱՐԴԸ  չորրորդ անգամ նախագահ կ՛ընտրուէր:

Ահաւասիկ, պատճառներէն մին, որով հասարակ քաղաքացին գլուխն ի վեր կը բարձրացնէ սիրեցեալ նախագահի պատկերը՝   ՀՈՒԿՕ   ՉԱՒԵԶ:

hugo-chavez-010

 

Արդեօք  ո՞ր  դարուն  հայ  քաղաքացին  իր  «նախագահի»  պատկերը  գլխուն  վրայ  է  զետեղելու:

 

ՖԻԼԻՓ   ՍԱՍՈՒՆ  /  FELIPE  SASOUN

Մարտ /  March  8th,  2013


Comments are closed.