LE “PRINTEMPS MAÇONNIQUE” DU MONDE ARABE

                                            ԱՐԱԲԱԿԱՆ  ԱՇԽԱՐՀԻ

                                        « ՄԱՍՈՆԱԿԱՆ  ԳԱՐՈՒՆԸ »

                                   LE  “PRINTEMPS  MAÇONNIQUE”

                                               DU  MONDE  ARABE

Obama dog

«Հաջող  շունը  չի  խածներ»

«Chien  qui  aboie  ne  mord  pas»

Արաբական արմատ ունեցող այս առակի իմաստը կարելի է կռահել, այնպէս որ ստիպուած  չեմ  ըլլար  մեկնաբանութեամբ  շեղելու:

Սակայն շուներու մայրաքաղաք ու արտաքնոց Ֆրանսայի մէջ, նկատի ունենալով Ֆրանսացի շուներու հետզհետէ այլախոհական ու տեռորիստական  ոտնձգութիւնները, առակին կցած են ժամանակին համապատասխանող   «միշտ»   բառը:

Ուստի՝   «Հաջող  շունը  չի  խածներ    միշտ».

              «Chien  qui  aboie  ne  mord  pas   toujours».

Անցեալ չորեքշաբթի 21 օգոստոսի առաւօտեան կանուխ ժամերուն արձակուած 2 տեղական պատրաստութեամբ քիմիական բաղադրութեամբ հրթիռները իսկոյն արեւմտեան աշխարհէն պոռոց-ոռնոցներու հեղեղանք մը յառաջացուցին, Նեռի առանցքի – l’axe de l’antéchrist – գլխաւորութեամբ, այսինքն   ԱՄՆ, Անգլիա, Ֆրանսա ու Իսրայէլի, նաեւ կարգ մը Ծոցի յանձնակատար արքայութիւններու:

Իսկոյն, Միահեծան Ազգերու Կառավարութեան (ՄԱԿ)  Ապահովութեան   ժանտարմաժողով  (UN Security Council)  մը  տեղի ունեցաւ, որտեղ արեւմուտքցիները  մտան  պատերազմական  ղօղանջներով  ու  դուրս  ելան  զնգոցներէ  հեղձուած:

Պատճա՞ռը.    Հիւսիսային  բեւեռի  ճերմակ  արջը:   ՌՈՒՍԱՍՏԱՆ:

Գիշերուայ ժամերուն կայացած արտակարգ (դռնփակ) նիստին Ռուսաստանի Դաշնակցութեան պատուիրակը արբանեակային փաստարկով կակազեցուցած է մասնակիցներուն, որու հակառակ յաջորդող օրերուն արեւմուտքցիները աներկբայօրէն հաստատած էին,  որ  իրենց  պապը՝   ամերիկան,  հաջած էր,  որ  Սուրիան պիտի դարձնէ  համաժողովրդական  գերեզմանի:

Այդ քիմիական չգիտեմ ինչս,  անմիջապէս ետք ստուգուեցաւ նախօրօք ծրագրուած սենարիօ մը ըլլալը, որովհետեւ մէկ օր առաջ նոյն դիակներու պատկերները տեսնուեցան,  որոնք զետեղուած էին համացանցային  աղբիւրներով,  տարբեր  վայրերով:

 

Պատկերները՝  Սուրիական  ձախակողմեան  խմբակցութեան  կողմէ.

«Ընդդիմադիր»   համարուած:

Կան  տակաւին  խարդախուած  պատկերներ –

 Capture d’écran 2013-08-22 à 11.44.38

Սուրիական Արաբական Հանրապետութեան ՄԱԿ-ի մօտ մշտական պատուիրակ Պաշշար ԱլՃաաֆարի եւս տրամադրած է փաստեր, Դամասկոսէն անմիջապէս վերադարձին:

(1) – Ալմանար

(2) – Ալսաֆիր

21 օգոստոսէն ի վեր յաճախակի ի յայտ բերուած ապացոյցները ոչնչով կը յագեցնեն ջարդ ու տեղահանութիւն սատարող արիւնաթաթախ կայսրութիւնները, որոնց ամէնօրեայ բառային ու մեկնաբանական դարձուածաբանութեամբ լրատուական տիրապետութեամբ կը տապկեն միջազգային  հանրութիւնը:

Սուրիական Արաբական Հանրապետութեան Բանակի վերջին շաբաթներու ընթացքին արձանագրած նուաճումները առաւելաբար տարակարծութեան երերանքի ազդեցութեան տակ կը պահեն բոլոր անոնց, որոնց համար միակ ելքը նկատուած  է  քիմիական  ոյժի  գործածութեան  դաւը:

Տակաւին երկու շաբաթ առաջ Սուրիոյ արեւմտեան ափի կարեւոր քաղաք Լաթաքիան իր շրջակայ գիւղերով կարելի եղաւ 5 օրուայ մէջ ազատագրել Ալ գայտայ կոչուած ահաբեկչական կազմակերպութեան զինեալներու իրագործելիք յաւելեալ ջարդերէն, որտեղ գլխաւորաբար քրիստոնեայ, ալաուի եւ սիւննի դաւանանքներու պատկանող քաղաքացիներ խաղաղ գոյակցութեամբ կ՛ապրէին տասնեակ տարիներէ ի վեր, եւ որոնց գոյութեան միանգամ ընդ միշտ սպառնացած  էր  երբեմնի  բարբարոս  Թուրքիան:  (3)  Syrianews

Յաղթարշաւներու կուտակմամբ հետզհետէ կը բազմանան մարդակեր ահաբեկիչներու բազմազգի ինքնութիւններու յայտնաբերումները՝ 80 երկրներէ աւելի ժամանած/ուղարկուածներ, 40-է աւելի ինքնութիւններով, եւ որոնց հազարաւոր քանակի հասնող սատակումները սաստկացուցին արեւմուտքէն հնչած հաջոցները, ու այժմ խածնել – չխածնելու համաշխարհային սարսափի դռները  կը  ծեծեն:

Բնականաբար Սուրիոյ սահմանակից Իրաքի կործանման ապա բնական հարստութեանց իւրացման գնով կայսերական սուտեր  թափած անկլօ-ամերիկեայի համար  Նոր  Աշխարհի  Կարգը  հաստատելու ոչինչ անհնարին է:

Յիշենք Գոլին Փաուըլը, Միահեծան Ազգերու Կառավարութեան գիրկը նետած իր սուտերով՝   Իրաքի  զանգուածային  ոչնչացման  զէնքի  առնչութեամբ:     (4) The Boston liberal

Միջին արեւելեան ցամաքամասի վրայ աշխարհա-ռազմավարական – géostratégique – դիրք գրաւող Սուրիոյ դէմ թակարդուած նորագոյն յարձակումը պիտի յաջողուի կիրառել մի՛այն այն ատեն երբ նորագոյն հիւսիսի ՝Ձարը՛ ի դէմս Վլատիմիր Փութինի եւս կլանուի, ինչպէս յետ Սովետական վարչակարգի ծախուած Կորպաչեւ, ապա հիւանդ Ելցին ու անպատկար Մետվետեւ:

Առայժմս անձնատուր ըլլալու նման նշոյլներ չկան հորիզոնի վրայ՝ հակառակ մերթ ընդ մերթ արտասանուած դիւանագիտական բառախաղերու,  ինչպէս.

«Սուրիան   ո՛չ   թէ  քաղաքացիական  պատերազմ  կը  դիմագրաւէ,  այլ  ահաբեկչութիւնը  վստահուած  անձինք»

Ասատ,  նոյեմբեր 9,  2012   (5)  Global research

«Սուրիան  արդէն  քաղաքացիական  պատերազմով  կլանուած  է»

Փութին,  յուլիս 7,  2013  (6)  Infowars

Անկլօ-ամերիկա-սիոնական առանցքը ո՛չ միայն պարտուած է Սուրիական հայրենական հողի վրայ, այդ սատկելիք ու վախկոտ բարբարոսներու կորուստներով՝ զինուորական գետնի վրայ, այլեւ քաղաքական մակարդակի վրայ եւս, երբ 30 յունիսի Եգիպտոսի կրկնակի «գարունը» տապալեց նոյն առանցքի – l’axe – հովանու ներքեւ գործող իսլամ եղբայրները, բայց անոր նախորդած էր Քաթարական հեղինակութեան լքումը (այժմ առաքելութիւնը – mission – վստահելով Սէուտական Արաբիոյ), եւ անկասկած կարգը պիտի գայ Թունիսի իսլամ եղբայրներուն, բայց յատկապէս թրքական «զէրօ խնդիրքն դրացեաց  հետ  մերոց»  քաղաքականութեան  ձախաւերութեամբ:

21 օգոստոսէն ի վեր արեւմտեան շնաստանէն տարատեսակ ցեղերու պատկանող շուներ ցերեկ գիշեր կը հաջեն խածնելու ազդարարութիւններով, իբր հիմնուած արդէն իսկ հաստատուած փաստերով, թէ  ՝ Ասատի  րեժիմը  քիմիական   ոյժ    օգտագործեց ՛ :

Ի՞նչպիսի մանկամտութիւն պէտք պիտի ըլլայ որպէսզի ՄԱԿ-ի  քննիչ յանձնախումբի ներկայութենէն 72 ժամ ետք քիմիական հրդիռներ արձակէ Սուրիական  յաղթական  բանակը . . . :

Ո՞րոնք հրդիռարձակման թիրախ դարձուցին անոնց Four Seasons Hotel-ը, եւ ո՞րոնց արձակազէնի կրակոցներուն ենթարկուեցան, ստիպելով զանոնք լքել ստուգման  վայրը  ու  վերադառնան  պանթոկ:

Սիոն լեռնէն յայտարարուած Իսրայէլի վարչապետի այսօրուայ «Իսրայէլը կողմ չէ Սուրիոյ տագնապին» կուտ կորկոտ չունեցող բառերը եւս հերիւրային են, երբ նկատի կ՛առնենք թէ ինչպէս տասը օր առաջ, 15 – 19 օգոստոսին Փրակաի մէջ գումարուած յատկապէս ապահովական հարցերու վերաբերող  համագումարի մը մասնակցած էին տարբեր պետութիւններու ներկայացուցիչներ, մասնակցութեամբ՝ արաբներու, ոչ արաբներու, նոյնիսկ այսպէս կոչուած «Սուրիական ընդդիմութեան պատկանող ՝գլուխներու՛,   նաեւ  Պաղեստինցիներու,  որոնց  կարգին  անտարակոյս,  Իսրայէլացիք:         (7)  Mulhak

 

Քիմիական զէնքի գործածութեան ոճրային արարքը անկախաբար գոյութիւն ունեցած պատերազմական ոճիրի յանցանքներուն՝ կը վերագրուին միայն ու միայն արեւմտեան կայսերական ու արաբական արքայական եւ սիոնական ծրագիրները իրագործող վարձկան աղուեսներուն, զորս երկու անգամ ՄԱԿ-եան մակարդակով փաստուած է:  (8)  International news

Սակայն ՄԱԿ-ի  մայմուն  ԳԻ Մունը ոչինչ ունի ընելիք այս առնչութեամբ, նոյնիսկ  երբ  հաջոց-ոռնոցներով ինքնավար հանրապետութեան վրայ յարձակում  ծրագրուած  է:

Սուրիական Արաբական Հանրապետութեան այժմու ռազմաքաղաքական կարգավիճակը ո՛չ Իրաքի, ո՛չ Աֆղանիստանի, ո՛չ Եուկոսլավիոյ կամ Մալիի, Եգիպտոսի, Սոմալիոյ, Լիպիոյ ու Եմենի, ո՛չ ալ Պաղեստինի խաղաքարտային վիճակն  է:

Սակայն բացայայտ է մէկ կարեւոր իրողութիւն՝ Միջին Արեւելեան տարածաշրջանէն համաշխարհային տիրապետութեան ձգտող Իսրայէլի ապահովութիւնը, որու հիւլէական եւ քիմիական զանգուածային կործանման ոյժի մասին ո՛չ ոք կը հաջէ, եւ որոնց կառուցման իրենց մեծագոյն նպաստը կը բերեն ինչպէս Ամերիկացիք, այնպէս ալ ահաւասիկ տասնեակ տարիներէ ի վեր՝  եղբայր   Ֆրանսացիք:

Իսկ միշտ հաջող բայց միշտ չխածնող կայսերական շուներու Սուրիոյ դէմ հաւանական օդաջրային ռմբակոծումները ռուսական նաւատորմի լուսարձակներու տակ, բռնաբարողներու մսագործներու, եւ ընդհանրապէս մարդկային իրաւանց չափանիշներու հանդէպ գիտազուրկ եւ սէուտական բանտերէն ազատ արձակուած կրկնակի ոճրագործներու տրամադրութիւնը – morale  պիտի բարձրացնէն միայն, ՝ոյժերու հաւասարակշռութեան՛  սիրոյն . . . :

Այնուամենայնիւ համապատասխան հակադարձերով դիմադրելու ազդարարութիւնները  հնչած են,  Սուրիոյ  ինքնիշխանութեան  կողմնակիցներու եւ դաշնակիցներու  կողմէ:

Լիբանանի Մարոնի համայնքի կղերապետ, Պշարա Պութրոս Ռայի չափազանց յանդուգն կերպով դապապարտեց Լիբանանի Շիա եւ Սիւննի իսլամներու հոծ բազմութեամբ բնակուած շրջաններու մէջ ահաբեկչական գործողութիւններէն ետք,  ըսելով.

«Արաբական աշխարհը կործանելու որոշ ծրագիր մը կայ, քաղաքական եւ տնտեսական շահերու համար, ու կայ նաեւ ծրագիր մը հնարաւորին չափ բարձրացնելու իսլամ աշխարհի միջ դաւանական պայքարները՝    սիւննիներու  եւ  շիաներու  միջեւ»:         (9)  L’Orient le Jour

Հայկական   «հրասանդի   հրդիռներու»   լրատուական աշխարհը այս բոլորին մէջ միշտ հաւատարիմ իրենց պապերու հանդէպ տածած պաշտամունքին, չեն զլանար լայն տեղ տրամադրելու անոնց  հաջող շուներու մեկնաբանութիւնները  հաղորդելէ  . . .  :              (10)  Ազդակ

Հետեւաբար  եղելութիւնը  ո՛չ  թէ ՝   արաբական  գարուն՛,  հապա  «Մասոնական  գարուն»  է,   ինչպէս   նշեց   Սուրիացի   քաղաքագէտ   մը:

աղբիւրներ՝

  1. http://www.almanar.com.lb/french/adetails.php?eid=126718&frid=18&seccatid=37&cid=18&fromval=1

  2. http://assafir.com/Article.aspx?ArticleId=1931&EditionId=2546&ChannelId=61465

  3. http://www.syrianews.cc/syria-lattakia-syrian-army-regains-control-villages/

  4. http://www.thebostonliberal.com/lying-to-go-to-war-91285/

  5. http://www.globalresearch.ca/bashar-al-assad-us-supported-proxy-terrorists-in-syria/5311158

  6. http://www.infowars.com/egypt-on-verge-of-civil-war-putin/

  7. http://www.mulhak.com/show/LastNews/86585

  8. http://www.internationalnews.fr/article-selon-les-nations-unies-c-est-l-opposition-soutenue-par-les-etats-unis-et-non-le-regime-syrien-qui-117717199.html

  9. http://www.lorientlejour.com/article/829322/le-patriarche-rai-sinquiete-dun-projet-de-destruction-du-monde-arabe.html
  10. http://www.aztagdaily.com/archives/142641

ՖԻԼԻՓ   ՍԱՍՈՒՆ

PHILIP   SASOUN

فيليب  ساسون

Օգոստոս  /  August  27th,  2013


Comments are closed.